Hvað er seljendalán?

Seljendalán (e. seller financing) er þegar seljandinn samþykkir að fá hluta kaupverðsins greiddan síðar – í stað þess að krefjast alls kaupverðsins við undirritun.

Þetta þýðir að seljandinn sjálfur lánar kaupandanum hluta af verðinu og fær það greitt í formi mánaðarlegra eða árlegra afborgana – oft með vöxtum, alveg eins og bankalán. 

 Dæmi úr raunveruleikanum

Segjum að fyrirtæki sé selt á 20 milljónir króna.

• Kaupandinn borgar 5 milljónir við afhendingu (25%)
  

• Seljandinn samþykkir að fjármagna 15 milljónir með seljendaláni (75%)
  

• Kaupandinn borgar t.d. 5.000.000 kr. á ári í 3 ár (með vöxtum)
  

Þannig getur kaupandinn eignast fyrirtækið án þess að þurfa að safna eða fá lánað alla upphæðina fyrirfram. Einnig eru fjármálastofnanir oft ekki með í boði lán eða lánalínur fyrir kaup á fyrirtækjum nema hafa sterk veð eins og í fasteign eða með sjálfskuldarábyrgð sem sumir vilja síður taka á sig.

 Kostir fyrir kaupendur

• Auðveldara að kaupa: Þú þarft minna reiðufé til að komast inn og finna þér draumarekstur.
  

• Ábyrgð seljanda: Seljandi hefur oft meiri áhuga á að hjálpa þér að ná árangri ef hann hefur enn fjárhagslegra hagsmuna að gæta.
  

• Fleiri tækifæri opnast: Þú getur í raun boðið í fleiri fyrirtæki, jafnvel þótt þú hafir takmarkaðan fjárhagslegan stuðning.
  

 Kostir fyrir seljendur

• Hærra verð: Seljendur sem bjóða seljendalán fá stundum betra verð því þeir auðvelda söluna fyrir kaupendum sem hefðu annars ekki haft tækifæri til að kaupa.
  

• Fleiri alvöru kaupendur: Með því að veita fjármögnun lækka þeir þröskuldinn fyrir kaupendur.
  

• Vaxtatekjur: Seljandi fær greitt með vöxtum – aukatekjur ofan á kaupverðið. Það er alltaf samaningsatriði en allt frá 0,5% vertryggðum vöxtum upp í 10% óverðtryggða er það sem gengur og gerist með seljendalán.
  

 Hvað þarf að passa?

• Samningurinn þarf að vera skýr: Gjalddagar, vextir, tryggingar, og hvað gerist ef greiðslur dragast.

• Kaupandi þarf að sýna áætlanir og getu til að standa skil.

• Seljandi þarf að treysta að kaupandinn geti haldið fyrirtækinu gangandi – því ef ekki, gæti seljandinn tapað hluta greiðslunnar.

• Veð. Seljandi verður að fá veð í rekstrinum, fasteign eða öðru ef ské kynni að kaupandi hætti að borga af láninu.
  

 Niðurstaða

Seljendalán er snjöll og sveigjanleg lausn sem hjálpar báðum aðilum að ná samkomulagi. Fyrirtækjasala snýst oft ekki bara um hæsta verð – heldur um að gera viðskiptin möguleg og þar koma seljendalán oft sterkt til greina.

Ef þú ert að íhuga að kaupa eða selja fyrirtæki, sérstaklega í smærri rekstri, er seljendalán ein af nytsamlegustu aðferðum sem þú getur kynnt þér.

 Áhugavert tækifæri í gangi?

Á Kennitalan.is finnur þú fyrirtæki til sölu þar sem möguleiki á seljendaláni er stundum í boði. Taktu skrefið – og spurðu seljanda hvort hann sé opinn fyrir slíkri lausn.

 Skráðu þig og fáðu aðgang að hundruðum tækifæra: www.kennitalan.is